ទំព័រដើម ≫ ការជូនដំណឹង

ឱកាសអាហារូបករណ៌

យើងពិតជាមានសេចក្តីសោមន្សរីករាយក្នុងការជូនដំណឹងដល់សិស្សានុសិស្ស ឬនិស្សិតក្នុងប្រទេសកម្ពុជាឱ្យបានជ្រាបថា មជ្ឈមណ្ឌលបណ្តុះបណ្តាលជំនាញAI និងសរសេរកម្មវិធីកុំព្យូទ័រ យើងខ្ញុំផ្តល់ជូននូវអាហារូបករណ៍ឥត​សំណង​ជូនដល់សិស្សនិស្សិតដែលកំពុងរៀន និងមានបំណងចូលរៀនថ្នាក់បរិញ្ញាបត្រនៅប្រទេសកម្ពុជា។ ចំពោៈសិស្សនិស្សិតដែលពូកែ និងមកពីគ្រួសារខ្វះខាត ហើយស្រឡាញ់វិស័យបច្ចេកវិទ្យា សូមចុះឈ្មោៈសំុឣាហារូបករណ៏នេះ។

លក្ខខណ្ឌជ្រើសរើស

  • ការសិក្សាមានលទ្ធផលល្អ ឬទទួលបាននិទ្ទេសល្អពីការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៥ (និទ្ទេស C ឡើងទៅ)។
  • ជានិស្សិតដែលនឹងចាប់ផ្ដើមសិក្សាឆ្នាំទី១ ឬជានិស្សិតកំពុងសិក្សាឆ្នាំទី១ (វេនយប់ ឬត្រូវប្តូរទៅសិក្សាវេនយប់) នៅសាកលវិទ្យាល័យ ឬវិទ្យាស្ថានណាមួយនៅរាជធានីភ្នំពេញចាប់ពីឆ្នាំសិក្សា២០២៥-២០២៦ ខាងមុខនេះ។
  • មានចរិតស្លូតបូត ស្មោះត្រង់ ឧស្សាហ៍ព្យាយាម និងខិតខំសិក្សារៀនសូត្រ។
  • សិស្ស និស្សិតដែលទទួលបានអាហារូបករណ៍ពីមជ្ឈមណ្ឌលយើងខ្ញុំ ត្រូវមានពេលដើម្បីសិក្សាបន្ថែមនៅ មជ្ឈមណ្ឌលបណ្តុះបណ្តាលជំនាញAI និងសរសេរកម្មវិធីកុំព្យូទ័រ ពីម៉ោង ៧:៣០ នាទីព្រឹក ទៅ ម៉ោង ១១:៣០ នាទីព្រឹក និងពីម៉ោង ១:០០ នាទីរសៀល ទៅម៉ោង ៤:០០ នាទីរសៀល ពីថ្ងៃច័ន្ទ ដល់ថ្ងៃសៅរ៍។

ឣត្ថប្រយោជន៍

  • បណ្តុះបណ្តាលដោយក្រុមអ្នកជំនាញសរសេរកម្មវិធី (អតីតនិស្សិតខ្មែរបញ្ចប់ការសិក្សានៅសហរដ្ឋអាមេរិក) កំពុងបម្រើការនៅសហគ្រាសបច្ចេកវិទ្យាព័ត៌មានវិទ្យានៅសហរដ្ឋអាមេរិក។
  • កម្មវិធីបណ្តុះបណ្តាលជាមួយបច្ចេកវិទ្យាទំនើប និងអនុវត្តការងារ តាមស្តង់ដារបស់សហគ្រាសបច្ចេកវិទ្យាព័ត៌មានវិទ្យានៅសហរដ្ឋអាមេរិក។
  • ទីកន្លែងសិក្សាប្រកបដោយផារសុខភាព និងបំពាក់ដោយឧបករណ៍បច្ចេកវិទ្យាទំនើប និងប្រព័ន្ធអ៊ីនធើណែតល្បឿនលឿន។
  • បញ្ចប់វគ្គបណ្តុះបណ្តាលជាមួយនឹងឱកាសការងារជាមួយសហគ្រាសនៅក្នុង និងក្រៅប្រទេស និងបន្តការសិក្សានៅសហរដ្ឋអាមេរិក។

សិស្សនិស្សិតដែលមានចំណាប់អារម្មណ៍សូមទាក់ទងសាកសួរព័ត៌មានបន្ថែម ដើម្បីដាក់ពាក្យចូលរៀន និងស្នើរសុំអាហារូបករណ៍ពីមជ្ឃមណ្ឌលយើងខ្ញុំ តាមអាស័យដ្ឋានខាងក្រោម ៖

អ៊ីមែល: engvathana@gmail.com

ទូរស័ព្ទ: ១២ ៤១២ ៦៦៧ / ០៩៣ ៤៩០ ៨២១